عيش لحياتك

هلوووووووووووووووووووو
شلونكم شخباركم؟
اكيد كهرباء ماكو وضايجين ودايخين عادي ادري
بس شلون كهرباء ماكو
لعد شلون دا تقرون البوست مالتي هسه ؟!!!!!!!! نياااااااااااااااااا
طبعا من فتره طويله امي جانت تحجيلي قصه من هاي القصص القديمه مال اهل قبل
وطبعا جانت بيها عبره عميقه جدا بس بوكتها جنت اسمع القصه وانام ((مثل اي طفل عادي )) يعني ما
جنت اعرف القصد من القصه شنو ما اطول عليكم القصه هي كالتالي
في يوم من الايام جان اكو مسابقه للركض بين كل دول العالم
واجوي لهذا السباق مشاركين من كل مكان ومن كل الانواع
وجان اكو متسابق منهم ما يسمع((اطرش يعني))وطبعا جان كلش قصير وبنيته الجسديه ضعيفه
فكل الي يشوفوا يضحكون عليه ويصنفون ويستئزؤن بي وماحد يتوقع ان يكدر يكمل السباق اصلا
مو عاد يتسابق وينافس على المركز الاول !!!!!!!!!!!!! المهم
بداالسباق وبدوا الناس يركضون
واحد منهم عثر و وكع فكام راد دا يكمل الناس الي يمه كالوله لا ما تكدر تكمل
وشلون راح تلحك و فاتك الوكت والباقين ظلوا يضحكون عليه لحد ما خلوا يطلع من السباق
وطبعا اكو هوايه متسابقين طلعوا من السباق من ورا هذا الحجي............ بس
اكو متسابق بقى يركض ((هذا صاحبنه الضعيف والاطرش))الي حجيلتكم عليه بالبدايه
شبي؟؟؟؟؟؟؟ بس لا تكولي فاز؟؟؟؟؟؟
هاي الكيبورد كام يكتب من وحده نياااااااااااااااااا
اي المهم
هذا صاحبنه كام يركض اب اقصى قوة وبذل اقصى جهد عنده وبدا يتقدم بالمراكز
الواحد تلو الاخر
فاكو واحد من المتسابقين حس بالسالفه
فاجا اقترب من عنده وسحب الشورت مالته و وكعه
واكيد الناس ضحكوا على صاحبنه اب اعلى صوتهم واشتغل التصنيف ((مثل عاده الناس بس تنتقد اي شي)) يصير كدامها
وصاحبنا ضل يركض !!!!!!!! وما اهتم الهم
وهو بالاصل مو ما اهتم اهم لكن هو ما يكدر يسمع حجيهم
لذلك ما يكدرون يأثرون عليه
وضل يتقدم ويتقدم وسط ذهول الجميع ومراقبتهم
لحد ما صار الاول !!!!!!!!!!!!!
اي صار الاول واجبر الكل الي يحترمه والي ما يحترمه
الي يحبه والي يكرهه
ان يصفقوله ويبدون اعجابهم بشجاعته
بالمعنى الصريح
ان الي يعيش حياته مثل ما هو يريد ومثل ما هو يخططلها
بدون ان يبدي اهتمام لحجي اناس
والقيل والقال واكيد ما يسمع النفاق والغيبه
صدكوني راح يعيش حياه الملوك وينااااااااااااام بالليل مرتاااااااااااااااااااح
ودمتم سالمين

ضوجه دستوريه

هلووووووووووووووووووو
اليوم ما ادري شكو
كعدت من الصبح لكيت نفسي ضايج!!!!!! على كوله هيثم((الحزن والشوق هدنا... نرد يمتى بلدنا******القلب من داخله صاح... منهو الي بينا مرتاح****ونحن شما بعدنا ... نرد يمتى بلدنا؟؟!!!)) ما اعرف ليش دا اغني هاي الاغنيه من اول ما كعدت من النوم
((عبالك حلمان بحفله مال هيثم ))
يجوز لان اني كل يوم احس نفسي غريب واني بنص ديرتي؟!! او يجوز لان ماكو شي يدعو للفرح بالعراق العضيم(( على كولتهم))؟؟!!! او يجوز
لان الضوجه عدنا ماده بالدستور الجديد ولازم كل عراقي يحس بيها !!!!!!!!!!!!!!! مو لو مومو؟

شكرا للموت !!!

شكرا للموت!!!!!!!!!!
الذي صار عادتنا اليوميه
وهوايه الوحوش البربريه
الذي الف بين قلوب المحبين
فصارت المقوله((ومن الحب ما قتل)) شعارا ودوله حائريه
***
شكرا للموت
الذي صار حلا لكل المشاكل القبليه
وكل المفاوضات الهيكليه
وصار حلا لكل المشكلات الازليه
فان اردنا نورا قتلنا الضلام
وان اردنا سلاما قتلنا الداعين الى الحريه
***
شكرا للموت
الذي صار بديلا عن المورفين
وصار بديلا عن ورده الياسمين
وصار علاجا لكل المتزوجين
لانه نهايه لكل المشكلات العائليه
***
شكرا للموت
الذي اهداني انتصارا من عالم اللا خساره
فامسيت لا احزن على عزيز قد رحل
لان كل اعزائي قد ماتوا !!!!!!!!!!
***
شكرا للموت
الذي صار تبغا في سيكارتي البنفسجيه
فاستنشق في كل يوم منه ربعا او ثلثا او خمسا
كانه عطرا من العطور العالميه
***
شكرا للموت
الذي علمني ما معنى الوجوديه
والخياليه
ومعاني الحروف الابجديه
***
شكرا للموت
الذي صار لعبه الاطفال في الشوارع
و لعبه الاباء في المخادع
وصار صلاه في كل جامع
و دينآ في القوانين الاجنبيه
***
شكرا للموت
الذي اصبح انثى كقطره ماء
ينساب في اليوم الافا من المرات
شكرا للذي علمني كم هي تافه هذه الحياة
شكرا للموت

بدايه التسمهر الفستاتيقي

هلوووووووووووووووووووووو
بالبدايه احب ارحب بيكم بالبلوك((كاردينيا)) وطبعا سميته كاردينيا لان اني اعشق وردة الكاردينيا
لونها الابيض الناصع ينطيني الشعور بالهدوء الحاد وريحتها تشعرني بالرقي الى ابعد حد
هذا اول بوست الي والصراحه ما اعرف شكتب بي
وهسه اني دايخ وتعبان لان هسه رجعت من الكليه
يلله اشوفكم بغير مواضيع عود
باااااااااااااي